Вице-президенттің өмірбаяны
М.Т. Габдуллин
Вице-президент
Маратбек Ғабдуллин — PhD, физика-математика ғылымдарының кандидаты, плазма физикасы, наноматериалдар мен нанотехнологиялар, сутегі энергетикасы салалары бойынша жоғары білікті маман.
Ол 400-ден астам ғылыми жұмыстың авторы, олардың 55-і АҚШ, Англия, Германия, Ресей және басқа елдердің рейтингтік журналдарында жарияланған.
Қазіргі уақытта Маратбек Төлебергенұлы Қазақстан Республикасының 9 патентінің авторы болып табылады.
Халықаралық ынтымақтастық
Ол Германия, Франция, АҚШ, Жапония, Ресей, Украина, Беларусь сияқты елдердің жетекші ғалымдарымен тығыз ғылыми байланыс орнатқан. Ғылыми журналдардың редакциялық алқасының мүшесі және рейтингтік журналдардың рецензенті.
Ғылым саласындағы жетістіктері үшін Маратбек Төлебергенұлы көптеген марапаттарға ие болған:
«Үздік жас ғалым», «ЖОО-ның үздік оқытушысы»,
әл-Фараби атындағы Ғылым мен техника саласындағы мемлекеттік сыйлықтың лауреаты,
«Алтын Адам – Жыл адамы» сыйлығының лауреаты,
«Қазақстан Конституциясына 25 жыл» атты Президенттік медалімен марапатталған.
Атқарған лауазымдары
Бұған дейін Маратбек Төлебергенұлы ғылым және инновациялар жөніндегі проректор қызметін атқарған, кейінірек Қазақстан-Британ техникалық университетінің ректоры болып тағайындалды.